Gervihnattaöld

...líður örlítið þannig. Er nefnilega að upplifa fyrsta time adjustmentið mitt. Í nótt seinkuðum allir klukkunni um eina klst. í France, allir komnir opinberlega á vetrartíma. Samt er ekkert vetrarlegt úti, heitt og sól og fínasta júní veður á Íslandsskala. Magnað. Þetta er víst óvenju heitt miðað við í fyrra.

En þið sem hafið kynst Npoleon Dynamite og undraheimi hans verðið að skoða þetta :



Ég stal þessum link af síðunni hennar Kaju og ákvað að dreifa boðskapnum :)

Svo verð ég að mæla með öðru við ykkur og það er Match Point aftur. Virkilega góð mynd. Var alveg fröppuð eftir hana. Þurfti að sitja og horfa á kredit listann áður en ég sneri á ný út í lífið. Segi betur frá henni seinna, ætla að fá mér morgunmat núna. Góðan sunnudag til ykkar.

Nýr Woody

Ég var í metro í morgun og sá að það voru óvenju margir að lesa greinar um Woody Allen. Það flaug í gegnum hugann að etv. væru þetta greinar skrifaðar um mann sem væri látinn... fé smá sting í magann, ég er frekar hrifin af honum. Sá svo glitta í fyrirsögn sem sagði að á morgun kæmi í bíó nýjasta myndin hans, Match Point. Var búin að heyra um þetta eitthvað, aðallega þó um að Scarlet Johannson væri nýjasta músan hans Woody. Hér er ein síða um þetta, hægt að sjá kynningarmyndband og myndir.

Match Point

Ætla sem sagt í bíó á föstudaginn, mikið hlakka ég til! Þangað til er það bara lærdómur Jónsson alla daga.

...Og jú, reyndar Pompidou á morgun. Þar er í gangi fyrsta Dada sýning safnsins, merkilegt sem það er, og ef ekki stærsta Dada sýningin ever. Sel það samt ei dýrara en ég keypti það. A bientot.

Milli tveggja heima

fleiri gestir komnir og farnir. mig langar til Íslands. samt ekki. undarleg tilfinning.

mikið er sjúklega mikið af fallegum fötum í Gap. verst að eiga ei pening.

ég hef ekki alveg eirð í mér til að læra. best að setja tónlist á...

og svo er ég núna í nýju tölvunni minni. keypti hana og prentara sem er líka ljósritunarvél í fnac í síðustu viku. gott þetta þráðlausa net. kemur sér allt virkilega vel.

hér eru myndir af okkur smúggum á einni brúnni í París. það var smá vindur.vorum að koma af Orsay. sá rússneska sýningu þar sem er afar áhugaverð. ljósymyndir og kvikmynd frá 19.öld. ein myndin var m.a. af autopsy árið ca. 1850.

svo er það skóli í dag. þá kemst maður aftur í hinn parísíska/lærdóms-gír.

hér erum við smúggurnar í París saman 22.okt. 2005.

Mardi...ekki eins blúsaður

Hætt að vera eins blúsuð. Skildi hvað var verið að fjalla um og veit hvað liggur fyrir. Fór á restaurant nemenda hér í borg í dag, CROUS Restau, og borðaði mjög ódýran en frekar bragðvondan mat. Svo var massaröð og þetta tók óratíma. Frekar sit ég vel klædd með mitt nesti á bekk úti í næsta garði. Svo fór ég á bóka safnið. Það er mjög fallegt en frekar hljóðbært sem er algjör mótsögn. Tíminn leið yfirnáttúrulega hratt þarna inni. Búin í tíma klukkan átta í kvöld og komin heim klukkan tæplega tíu...frekar þreytt.

Meira later.

Lundi-blús

Fyrsti blúsinn síðan ég kom lætur á sér kræla. Sit hérna yfir kaffibolla og ætti að vera að lesa fjandans Claude Simon og þessa súrrealísku (illlæsilegu) bók hans, Histoire, en er eitthvað svo blúsuð að ég meika það ekki. Eftir stanslaust partý í mánuð er þessi skóladrusla byrjuð með öllu þessu fólki sem talar alltof hratt. Hvers vegna í ósköpunum vilja þeir alltaf tala svona hratt? Næ þessu ekki - í öllum skilning þessara orða.

En ég ætti svo sem ekki að vorkenna mér því ég er búin að vera úti að borða í uppáhaldsfélagsskapnum mínum í viku. Endaði gleðin með heilsdagsferð í Montmartre í gær. Sól og hiti alla daga. Það vildi líka svo vel til að Sacre Coeur átti einmitt afmæli í gær og það var voða fín messa með miklum söng og reykelsislykt. Fyrsta kaþólska messan sem ég er viðstödd. Svo vildi líka svo vel til að við römbuðum á antíkmarkað á Place Abbesses og þar fann ég þetta gullfallega (það eru gullrendur!) art deco-lega mokkabollastell (arabinn sem seldi mér það sagði það vera frá um 1950). Unaður að svala kaffiþorstanum á börmum þessara bolla.

Svo fæ ég þrjár ungar Reykjavíkursnótir í heimsókn á miðvikudaginn og þá verður meira húllumhæ. Hæ og hó á húlli, húllað með hæum og hóum. Houller et hier avec des haus. Tungan er lipur.

Bæði þvottavélin og þurrkarinn eru í gangi. Búin að þrífa líka. Þá er best að fara að skrattast til að lesa...

Skólinn er byrjaður...

... og ég er orðin að fórnarlambi franskra kennsluaðferða (efast reundar um að slík fræði þekkist hér). Í gær er ég sat í fimmta vinnnutímanum í röð þennan dag (hver kennlsustund er klukkutími og pásur er annað hugtak sem þeir forðast sem heitan eldinn að muna hvað er, kreista etv. út fimm mínútur ef þeir eru neyddir til að muna eftir því, þ.e. þegar nemendurnir eru farnir að dotta fram á borðið) nær rænulaus í fullkomlega loftlausri stofu undir stanslausu og óreiðukenndu masi kennarans á þessu guðsvolaða tungumáli frönsku, sem getur verið svo fallegt en ég fer að hatast við þegar fólk er farið að spíta út úr sér hundrað orðum á sekúndu (konur eru meira fyrir að tala hratt), og ég sá fram á annan klukkutíma af sama skítnum, þá óskaði ég mér í fyrsta sinn frá því að ég kom hingað að ég væri á Íslandi í kennslustund á íslensku í hinum litla, gamla HÍ. Mér leið eins og litlum vitleysingi með baun fyrir heila og sá ekki fram á að geta nokkur tíma lært neitt hérna. En það er dagamunur á manni. Á fimmtudaginn glósaði ég eins og óð og var með á nótunum og gekk út glöð og brosandi í sólarlagið (seinnipart dags og það er sól hérna mikið þessa daga, en sól er einmitt eitt af þeim hugtökum sem þekkist einungis af afspurn á Íslandi) og fannst allt vera að ganga upp. Daginn eftir var mér hent í dýflissuna og ég pyntuð af þessum dóimonísku kellingakennurum. Svona er þetta bara. Líkar betur við karlkynskennarana hérna sem sagt.
En já, stundaskráin hefur enn breyst. Skipti út tveimur minni áföngum fyrir einn stærri á þriðjudaginn og í gær henti ég út Egyptafræðinni fyrir Rembrandt kúrs, en svo vel vildi til að þeir eru einmitt báðir á mánudagsmorgnum. Ég tók þessu því sem yfirnáttúrulegri vísbendingu til mín og hlýddi ljósinu. *púff* Smá léttir. Egyptakúrsinn var nefnilega einn þeirra kúrsa sem ég var beinlínis hrædd í. En það er fortíðin.
Það er nóg að lesa. Þarf að klára Spleen de Paris fyrir næsta fimmtudag helst og þá á ég að endurlesa eitthvað úr henni fyrir föd. Svo eru það einhverjir kaflar í Histoire eftir Claude Simon í sama kúrs og í öðrum kúrs sem nefnist Littérature, idées, arts og snýst um að kanna tengsl milli ritlistarinnar og les arts visuels á að lesa Diderot og Goncourt bræðurnar. Svo er skylda (eina skyldan sem er gleðileg) að fara á söfnin og skoða verkin. Ég fór því á Louvre á miðvikudaginn og er á leiðinni á Pompidou og Orsay. Nú er í fyrsta sinn Dada-sýning á Pompidou og ég er einmitt í kúrs sem heitir Autour Dada (Í kringum Dada). Skemmtilegt. Þeir eru sniðugir að velja kúrsa í takt við sýningar sem eru í gangi, fylgjast vel með blessaðir.
Þannig er skólinn nú.

Úff, ég hef svo mikið að segja. Fór nefnilega á skemmtilegan sushi-stað á fimmtudagskvöldið og ég sem er svo eftir á í sumum hlutum smakkaði sushi almennilega (hef e-rtíma bragðað á því óformlega) og varð mjög hrifin vægast sagt. Þetta er afar moderne staður sem er í kjallara verslunarhúss Rue Pont Neuf. Barinn er í miðjunn og sætin eru í kringum barinn. Maturinn er svo á færibandi og maður tekur sér réttina sjálfur. Svo er tölva með nettengingu við hvert sæti sem maður getur líka sent skilaboð milli sæta á. Ég lenti einmitt í smá "spjalli" við einhvern svona nýríkan ungan araba, alveg dæmigert. En fyndið. þetta var spennandi og skemmtilegur staður og varð bara meira spennandi eftir eitt vínglas. Ætla að fá mér sushi/maki í kvöld og svo ætla ég að læra að matreiða svona sjálf í náinni framtíð. Hér efst til hægri í textanum undir myndinni er tengill á síðuna.

Jæja, ciao í bili. Munnræpa over and out.

Sunnudagur

Ég get ekki sofid þó svo ég ætti að sofa lengur. Er búin að vera á fótum að drekka mjólk í í næstum klukkustund. Er með svolítið mikinn hausverk. Ég fór í partý í gær upp í Montmartre sem var mjög skemmtilegt. Þetta var pínulítil íbúð, samt alveg góð á Parísarstandard, um 30 fm, og það fór bara mjög vel um alla gestina, allar 12 manneskjurnar. Sif átti afmæli og bauð upp á dásamlega osta & brauð, salöt & vín, hnetur & fleira gott. Kynntist króatískri stelpu þarna sem er að læra sænsku. Hún er á 3.árinu sínu núna og var að koma í gær til Parísar til að læra sænskuna. merkilegt. Við ræddum skandinavísk tungumál og efnahagsástand Króatíu, sem er nokkuð merkilegt en fer batnandi núna. Þeir hafa víst hafið samningaviðræður við Evrópusambandið til að komast í UE. Hún sagði mér að þann dag hefði fólkið streymt út á götur til að fagna. Mér var,öfugt við síðustu helgi, næstum ómögulegt að segja heila setningu á ensku og skipti stöðugt yfir á frönsku. Þetta sýnir að ég er að heilaþvost. Svo byrjar skólinn á morgun og þar með verður heilaþvotturinn settur í 5.gír. Þarf einmitt að lesa helst í dag fyrir tíma í vikunni, Baudelaire, Le spleen de Paris, fyrir franskan litteratúr. Loksins fær maður að læra í þessari borg.

Við fórum svo öll saman au bar Pop In sem er bar hér í borg sem svipar meira en lítið til Sirkus Reykjavíkur. En þar sem hann rúmar færri í sæti en vildu komast færðum við okkur um set á bar sem er opinn lengur og stærri og heitir tronkel held ég. Gaman að þessu.

"The Pop In seems to be a contradiction in terms, or at the very least, an exercise in postmodern irony. A bar so uncool that it is in fact cutting-edge, a place that is so hip it seems tragic - Pop In is all things to all men. Since it hosted a Christian Dior after-show party and was subsequently colonised by fashion-hangers on, the Pop In has won a reputation as a place that doesn’t care, doesn’t try, but manages to be cool anyway. It’s scruffy, cheap and the staff are genuinely nice. Add in a cellar bar that alternates between an open-mic night and a club for DJs and you have a recipe for a top night out."

source :http://www.timeout.com/paris/bars/6.html

Laugardags-föstudagur

Þessi föstudagur er búinn að vera meira eins og laugardagur. Ég er að drekka kir. Ása er í heimsókn og við ætlum etv. að rölta út á næsta bar á eftir. Ég fór í bhttp://www.blogger.com/img/gl.bold.gif
insert bold tagsæjargöngu í dag, gekk fyrst um Ile St. Louis og svo upp að Pompidou og svo ad Montorgueil. Var í 3 klst á göngu. Maður er ekki að setja fyrir sig að ganga hérna í Frankaríki. Kíkti inn í búð á móti Pompidou og fékk þar tilboð frá tveimur mönnum um að setja andlitið mitt á netið, ég væri með svo falleg augu, jafnvel þó svo ég væri með gleraugu. Svo bentu þeir á tölvu á bak við mig og spurðu hvort mér þætti internetið ekki skemmtilegt. Jú,jú, internetið er vissulega ágætt. Svo þegar ég var ekki mjög viljug til að taka þátt í þessum leik núna, eða bara yfirleitt, laug um að ég væri mjög mikið á hraðferð, þá sögðu þeir bara "Ok, þá kl. 9 annað kvöld, við verðum hér þá!" og ég laug meira, jú, jú, sjáumst seinna, bless...Sumir Frakkar eru ekki að hika við að vilja kynnast manni.

Ég endaði á því að fara í bíó í gær með Ásu og Írisi. Komst þangað einhvern veginn þó svo maturinn sem ég eldaði hafi verið viðbjóður (100 % chilli og óætt) og kirinn hafi farið eitthvað skakkt niður. Fórum á Les fréres Grimm -version originale (smá veruleikaflótti) og hún var hrikalega góð. Hún batnaði alltaf og batnaði og undir lokin fannst mér hún algjört meistarastykki. Heath Ledger var virkilega góður.

Á morgun er svo vínsuppskera á einu vínekru Parísar í Montmartre, eitthvað húllum-hæ sem endar með flugeldasýningu kl. 9:30. Við ætlum að taka þátt í þessu, fá okkur drykk og svona og fara svo í partý.

Kannski maður skelli sér bara út á Cosmos barinn (það cosmos-lega við hann eru bleiku stólarnir, sem eru frekar speisaðir í laginu, sem standa fyrir utan alltaf, hress staður og afar moderne á kitschaðan hátt) núna og eitthvað. Eða hreinlega uppí Bastilluhverfið að hitta eitthvað franskt fólk sem Rósa þekkir... Decisions, decisions.

Ciao.

Kir og bakað grænmeti

Ég er að bíða eftir að hinn sívinsæli réttur á þessu heimili grænmeti bakað í ofni (að þessu sinni kúrbítur, gulrætur og laukur og smá pompleon rouge sem ég veit ei hvað er á ísl. og nenni ei að fletta upp en er af graskersætt) verði tilbúið. Á meðan ég bíð sötra ég kir (svo ódýrt að m.a.s. námsmaður eins og ég sem er á 100 euro budgeti á viku getur leyft sér það, sérstaklega ef það er keypt í Ed) og hlusta á Nick Drake og ,augljóslega, tala við ykkur kæra fólk. Unaður. Mjög góður kir. Verst að ég missi alltaf matarlystina þegar ég fæ mér appéro. En Rósa kemur heim seinna í kvöld etv. hungruð sem ljón og rífur í sig restarnar.

Dagurinn minn byrjaði á því að húsvörðurinn í húsinu okkar hringdi bjöllunni og ég neyddist til að hleypa einhverjum meindýraeiði inn til að sprauta skordýraeitri í eldhúsinu, á klósettinu og baðinu. Ég var á föðurlandinu mínu og frekar nývöknuð en enginn virtist taka eftir því að þetta væri nokkur truflun fyrir mig. Eftir hádegi fór ég með Ásu í smá verslunarleiðangur í Bastilluhverfið. Fórum á Rue Faubourg St.Antoine sem er svona húsbúnaðargata. Keyptum gjöf fyrir Sif frönskuforseta sem er í París og á afmæli. Það var frekar mikið að gerast þarna í dag og svolítið mikil læti. Gott að komast heim í mitt friðsæla 15.hverfi.Hér er allt til alls líka. Mjög mikið af líbönksum, indverskum, pakistönskum etc. kaupmönnum sem eru með fallegar og afar spennandi sælkerabúðir.

Framundan er einhver stemmning. Meðal annars partý og Pompidou (í alvöru, ekki bara útaf stuðlasetningu) og frá sunnudegi heil vika af skemmtilegri "Paris mon amour" túristastemmingu í góðum félagsskap. Ég er svo loksins búin að spasla saman stundaskrá sem ég ætla að setja hátíðlega upp í töflu í Word í kvöld. Svo held ég að grænmetið mitt sé ready núna...ciao.

Brot úr daglegu lífi Parísarbúans Porunn / Thorunn / Þórunn (qu´est-ce que? Þ???) BENEDIKZ

Ég er komin heim í save haven eftir morgun í bænum / skólanum. Búin ad ryksuga og laga adeins til og ætla ad fara ad hreinskrifa stundatöfluna mína og lesa betur um nokkra kúrsa. Er núna torn á milli nokkurra kúrsa til ad hafa sem kúrs nr. 5. Þetta er svolítid erfitt val. fékk mér brie og ristad brauð og makríl í deux moutards í hádegismat og nú er það kaffið góða og biti af hinu súrrealískt góða súkkulaði sem er my all time favorite, hvítt súkkulaði með möndlum og apríkósum frá Lindt. hljómar væmið en er það ekki. Ég var sjálf mjög skeptísk á þessa blöndu við fyrstu sýn en sannfærðist við fyrsta smakk. og ég ætla ekki að vitna í pringles í framhaldi síðustu setningar.

Við Ása áttum "rendez-vouz" í morgun til að skrá okkur og fá loks stúdentakortið okkar en svo var það bara "smendez-vous" og maður þurfti hvort sem er að fara í milljón manna röð. Of dæmigert fyrir orð. Þannig að við undum okkur út og á næsta kaffihús. Mæti frekar kl. núll í fyrramálið en að bíða í skítaröð. Fuss.

Ég er mjög þreytt í dag. Tónleikarnir í gær voru til 11 eða 12. Hún var klöppuð upp þrisvar - enda stórkostleg á sviði. Þetta voru án efa einir bestu tónleikar sem ég hef farið á. Er heldur ekki vön því að heiman að sándið sé svona gott á tónleikum (wonder why, ekki til neitt sem heitir tónleikasalur á Íslandi! Smá Íslandsbiturð til að losa um, afsakið mig. Kem seinna með lofræðu um heita vatnið, fallegu fjöllin og tæra drykkjarvatnið.). Salurinn var bara fínn, svipaður Loftkastalanum nema stærri og lægra til lofts sumstaðar. Reyndar var einhver leiðinda túristi sem angaði af mikilli svitalykt sem sat við hliðina á mér en ég færði mig bara aftar og þá var þetta þolanlegt. Barði kom reyndar ekki og ég saknaði hans svolítið. Sumt svipað í tónlistinni þeirra. reyndar finnst mér ég heyra sterkast Carla Bruni takta og jafnvel Blonde Redhead í einu lagi en svo rokkar þetta frá trúbadorlögum yfir í rokk og stemmningu.
Í stuttu máli sagt : ef þið hafið ekki hlustað á hana Keren Ann þá er dagurinn í dag dagurinn til að byrja og ef þið sjáið að hún er að halda tónleika í þeirri borg sem þið eruð þá stödd í þá kaupið þið miða. Virkilega og fullkomlega þess virði. Hún er góður tónlistarmaður og sjarmerandi persóna. Gæðandi fyrir tilveruna. Voilá.

Þetta endar alltaf í ritgerðum hjá mér svo ég segi bara "á plus" núna.

Hvítar nætur með rísandi stjörnu

Við urðum ekki vör við neina Ríó-stemmningu á les niuts blanches í gær. Kannksi af því að við vorum heldur sein að koma okkur í mýrina þar sem átti víst að vera rosa fjör. Vorum í notalegheitum hjá Ásu á "Duckling road" til næstum 11 og þá fórum við ekki lengra en yfir götuna á lítinn bar. Það var gjörsamlega stappað þar og Heiðdís og Sigrún komust fljótlega í kynni við tvo Íra og franskan vin þeirra en þeir vour allir ofurvinalegir og ástfangnir af okkur öllum og slepptu ekki hendinni af þeim sem ekki slitu sig strax í burtu. Við Rósa og Ása fengum raphael með okkur í lið í að koma í Mýrina sem við og gerðum um 12 leytið. Gengum þar um til 2 en það var allt eitthvað svo búið og stappað á öllum áhugaverðum börum. Þannig að það hvítasta við les nuits balnches var hvítvínið em við drukkum. Og það var reyndar mjög gott.

En Raphael er strákurinn á myndinni hér til hliðar. Hann er ljósmyndari sem Ása kynntist er hún læsti sig úti í september. Hann vinnur á hótelinu við hiðina og þeir eru voða liðlegir við að leyfa manni að hringja á taxa þar og svo framvegis, og hann sem sagt aðstoðaði Ásu við að komast heim. Í kjölfarið bauð hann henni að koma á opnun ljósmyndasýningar sinnar sem var 22.september sl. og við fórum á saman. Það var mjög áhugavert. Hann er bara nokkuð snjall og rísandi stjarna (étoile naissante), ef til vill. Greip tækifærið í gær og spurði hann útí verkin og svona. Gaman að þessu. Hann sagði okkur m.a.s. að ef við vildum gætum við setið fyrir hjá honum. Maður veit samt aldrei hvað hann myndi láta mann gera, eða hvernig hann myndi vilja að maður væri, í ljósi þess að hann er örlítið í þessu erotica þema... Kannski ekki beint my cup. Það er nú samt gaman að þessu öllu saman, gaman að listinni og svona, gaman að nýju fólki. Það er linkur á síðu með info um hann fyrir neðan myndina af honum. Þar eru líka fleiri myndir líka.

Fórum í sunnudagsgöngu í 9.hverfi, Óperuhverfið, í dag. Förum svo þangað annað kvöld á tónleikana. erum búnar að finna stað til að drekka appéro á. Er mjög spennt!

Jæja, við erum pínu ryðgaðar í dag og svangar og ætlum að fara að elda kássu úr gæðagrænmeti með Sigrúnu Jónu, kósý kvöld á Edmond Roger. Á morgun eru það skólareddingar fyrir hádegi og Pompidou með þýsku stelpunum, Corinne og Tamara.