Ég er alltaf að gera eitthvað nýtt þessa daga, eða allt þetta sumar hefur verið þannig -, koma á nýja staði, prófa nýja hluti etc. Mjög gaman. Í dag fórég í Bókavörðuna hans Braga á Klapparstíg og fjárfesti í 2 fjársjóðsbókum á lítinn pening : Kennslubók í Frönsku (gefin út 1949, stafsetningin er skv. því, z-an enn þá góð og gild, ávalt falleg, enda prýðir hún nafnið mitt) og Larousse de Poche, frönsk ensíklópedísk orðabók í kiljubroti, gefin út 1979. Samtals kostaði þetta um 1000 krónur. Og það er bara gaman að eiga notaðar bækur, bækur með sál. Önnur þeirra er árituð, í henni stendur nafn fyrsta eigandans, árið og staðurinn, Lyon 1985. Ég keypti mér einmitt eina bók í svipaðri bókabúð í París, svona notaðar bækur bókabúð sem heitir Shakespeare & Co. og margir þekkja eflaust (fræg fyrir stimpilinn sem settur er í allar bækur sem þar eru seldar), en í bókinni sem ég keypti var stuttur ástaróður til þess sem fékk bókina að gjöf. Mjög fallegt. Á frönsku líka.
Og í bókabúð Braga eru bækurnar á svon au.þb. raunverði, 200 til 1200 krónur. Bækur eru einskis virði og eru ofurtollaðar og álagðar hérna. Kosta varla undir 1000 krónum. Svei mér og öllu því!

Jæja, ég sé ykkur seinna! Ciao for now.

Bjarnaball í tungunum

Það var húllum hæ um helgina og eins og virðist vera þemwð í sumar gerði ég eitthvað nýtt. Ég var í faðmi fjöslkyldu og sveitarinnar minnar í Tungunum. Beta systir eldaði delicious mat, kjúkling á pinna og couscous, og allir átu og drukku og voru glaðir. Ég bauð mig fram sem bílstjóra og ferjaði fólk á og af balli. Þetta var alvöru ball! Allir þessu helstu úr sveitinni vour þarna og besta - og mest elskaðasta - sönkonan í sveitinni söng. Við Steinar dönsuðum skottís og fleira og stóðum okkur frekar vel. Meira að segja Dóri frændi tvistaði svona léttilega! Þvílík sjón. Hef aldrei séð hann dansa fyrr. Svo kíktum við í "frímínútum" (þegar maður tekur sér hlé af ballinu, yfirleitt til að fara út í bíl að staupa sig) á Kaffi Klett, afar kósý kaffihús í Reykholti, og fengum okkur kaffi og spjölluðum við staðarhaldara. Þetta var eins og að vera í einhverjum smábæ í Ameríku, svona dimmt og stökuljósastaur og bensínstöð og gróðurhús og svo þetta cowboy kaffihús með fullt af ljósaseríum. Magnað.
En við fórum svo heim af ballinu þegar frændi minn var kominn upp á svið að suyngja karlakórslög og mamma var alveg tilbúin í að fara að syngja Fernando með ABBA. Alveg passlegt.

Daginn eftir týndum vð ber og borðuðum ís í Þrastarlundi. Eins gott að borða ís eins og maður getur áður en til France er haldið.

En ég hef heyrt að í sept. verði Réttarball í Aratungu og að þá verði meira fólk, meira fjör og kjötsúpa og ég ætla heldur betur að smella mér!

halló. bráðum breytist þetta blogg í virt og velhirt blogg úr þessu villibloggi (sbr. villigarður). ég lofa.

en ég mæli með að þið sem farið í strætó lesið smásögurnar e Arndísi Þórarinsd. sem þar hanga um þessar mundir. hef lesið eitthvað og þetta er meistaralega skrifað. Lof henni til handa. Á plus.

ég og Cameron

Ég hitti frægasta einstakling sem ég hef hitt (?) í gær : Ég afgreiddi Cameron Diaz.

I know!!! Þetta er rosalegt! Ég var alveg í hitakófi eftir að hún fór út. Við áttum stutt orðaskipti sem voru á þessa leið :

[eftir að hafa sagt henni hvert verðið væri og svona hefðbundið afgreiðsludæmi]

Þ: And do want the tax-free note?

CD : Mmmm...no, it´s probably more trouble than it´s worth, right?

Þ: Yes, probably! [hugsaði : In your case anyway!!! ...Hún er auðvitað skítrík...]

Þannig var það. Hún er rosa sæt og bara venjuleg að öllu leyti, soldið spes lykt af henni og fremur óeðlilegur húðlitur. Hún er með rosaleg augu maður, vá. Þetta var gaman.

Svo á ég eiginhandaráritunina hennar líka, ligga-ligga-lá!!! :)

eftir viku í túristabaði er helgin í augsýn, einsog skínandi ljós við enda dimmra ganga. eða þannig, ekkert drama samt. ætla í sund í vesturbæjarlaug í kvöld og gæða mér síðan á hollasta og besta ís bæjarins, vesturbæjarísnum. ætla að hjóla í þokkabót. hreysti á hreysti ofan.

ég er orðin alveg fráhverf sjónvarpi. horfði á ömurlega mynd í gær, One Hour Photo. Bjakk! þá er nú betra að studna eitthvert sport!

svo var ég að frétta af trúlofun og vil óska til hamingju því góða fólki, því fallega pari, Ingu og Ragga. allir að fullorðnast svo hratt þessa dagana, flytja út og gifta sig o.fl. life goes on, eins og segir í laginu. blessuð sé minning Corky og félaga.

einmitt talandi um fól á leið út, þá er ég að fara í eitt af mörgum kveðjupartýum þessara daga, en Sandra selló er að fara til Sverige. þar er án efa jetta fínt að búa. hef aldrei komið til Stokkhólms en langar.

sjálf er ég ekki búin að hugsa neitt hverju ég vil pakka með til Parísar. hef mestar áhyggjur af því hvernig ég á að koma öllum orðabókunum og hinum uppflettibókunum mínum út. fékk eina frábæra bók í gær, The 70 Mysteries of Egypt. mikil skemmtun.

jæja, back to woek. ciao.

Veikís

halló. ég sit hér heima í eymd minni, veikindum, & reyni að gleyma hvað mér líður fullkolega ömurlega. að gista í tjaldi getur haft leiðinda aukaverkanir; veikindi. en er þetta ekki eins & með margt gott, það þaf að jafna góðheitin út með vænum skammti af ömurlegheitum. þetta má sanna með dæmum :

-Að drekka áfengi getur verið hressilegt og hressandi. Antiverkun :þynnka, þ.e. fullkominn óhressileiki.

-Að skrópa í tíma getur lífgað upp á sálartetrið, sérstaklega þegar gott kaffi er haft um hönd. Antiverkun : þunglyndi & stress & samviskubit & ef tíminn var major áríðandi, fall.

-Að borða súkkulaði. MJÖG gott. Antiverkun : fita, þarfnast ei frekari útskýringa.

-Að fara til útlanda, ávísun á mikla gleði. Antiverkun : að vera skítblankur það sem eftir lifir sumars.

-Kynlíf, jafn mikilvægt mannfólki & plöntum að ljóstillífa nema bara more fun. Antiverkun : Það sem þið hræðist mest (enn sem komið er amk), rollingar.

En í eymd minni vermir sálartetri mínu fögur minningin um þessa nýliðnu helgi sem í huga mér er nú sveipuð gylltum bjarma, yl & gleði ... *snökt*

Jamm. Plöntun trjáa, grill, göngur, tjaldgisting, rauðvín & bláber, allt frábært & samheitið yfir þetta er sumarbústaður.
Framundan er jafnvel meira af þessu sama nema með heitum potti líka. Og vonandi ekki tjaldi því ég vil geta mætt í vinnuna á mánudögum eins & aðrir. Þetta hljómar undarlega en hafiði ekki öll lent í þessu sama? Maður óskar sér sífellt eitthvert annað þegar maður er í vinnunni frískur en svo þegar maður er veikur vildi maður helst vera eðlilegur úti á götu meðal fólks að gera normal hluti, fara í vinnuna & svona rollast um eitthvað bara. Skrambans rugl.

Ég ætla að halda á mér hita vel í dag og losna úr þessu rugli. Best að einbeita sér að þessu núna. Sjáumst.

PS: Búin m Harry Potter og svei mér ef strákurinn er ekki bara orðinn einn á móti þessum djöflum, illu öflunum, núna, alveg aleinn... líst ekki á blikuna. En hver annar getur svo sem bjárgað heiminum nema hann núna?