Lífið líður og er frábært

Ég skemmti mér svo makalaust vel í gær með nýstúdínunum mínum. Til hamingju aftur stelpur - og allir nýstúdentar! Hitti fullt af hressu fólki á röltinu, m.a. Unni útlandsfara sem er hér í stuttu stoppi.

Fór meðal annars á Brennsluna gömlu góðu í nótt. Þessi staður sem eitt sinn var alltaf kjaftfullur af fólki öll kvöld virðist núna ekki vera að plumma sig sem skemmtistaður - endar er það að dansa nauðsynlegur þáttur í skemmtun og það er ekki dansað á Brennslunni. Þetta er bara svo frábær staður til að sitja á og tala saman. Allavega minnir mig að það hafi ekki verið of hátt spiluð tónlist, en það er svo sem ekkert að marka mitt minni.

Ég verð að segja, svo ég haldi aðeins áfram þessu tali frá því um daginn um nýja tíma sem fylgja nýjum aldri (referring to þrítugsaldursins), að í stutta stund í gærkvöldi fannst mér vera svo óralangt í burtu frá því að vera busi í menntó og að upplifa allt fyrst. Sem er reyndar alveg staðreynd, fimm ár síðan það var takk fyrir :) En það var litli bróðir hennar Jennsínu sem vakti upp þessa tilfinningu hjá mér, hann er svo brakandi ferskur og að uppgötva heiminn og var alveg í essinu sínu í gær- og allir störðu agndofa og hrifnir á þennan ferskleika. Young spirit. Allt svo nýtt!! Maður fékk alveg í magann af að fylgjast með honum, hann er svo hress - og líka Mosi vinur hans og hinn sem ég man ei hvað heitir- og ég mundi svo skýrt hvað þetta var æðislegur tími. Mjög undarlegt að sjá pínu í sjálfan sig einhvern veginn svona utan frá. Langt síðan. En ég er nú bara tuttuguogeinsárs og er ung, fjandinn hafi það, en samt er eins og lífið sé bara svo miklu slípaðra einhvern veginn núna, og það líði hjá manni eins og í draumi, án þess að maður blikki. Maður þaf soldið að hafa sig til við að muna eftir að sjá lífið gerast fyrir framan augun á manni. Skiljiði mig? Það tekur bara alltaf eitthvað nýtt við og allt er gott, bara ólíkt.

Allavega.

Er annars alveg að farast því mig langar svo að tala um eitt sem ég má ekki tala um opinberlega strax...Og þið sem vitið um hvað er rætt skuluð steinhalda kjafit þvi annars mæti ég heim til ykkar og geri einhvern óskunda!! En þið fáið fréttir af þessu núna í vikunni kæra fólk, það varður opinberun og surprise í beinni!

Ciao!

Kampavín

...tengist reynar ekki mikið þessari bloggun. En ég er búin að vinna svo mikið þessa viku að ég er orðin tóm í hausnum. Þegar maður er að vinna verður maður svo mute eitthvað. Kann ekki að orða hugsanir mínar í rituðu máli lengur.

Á morgun er mikill dagur í lífi stúlkananna minna, þeirra Erlu, Stínu og Jennýjar. Þær munu setja upp hvíta kolla og stökkva útí lífið. Það er geðveik stund. Ég sá þessa stund í hyllingum fyrir stúdentinn í fyrra, enda hafði ég fengið nóg af MR svona um það bil í byrjun 6.bekkjar. Eða þannig. Ekkert mega neikvætt meint, það var bara sumt sem var orðið þreytt. Helst átti ég erfitt með að mæta í skólann á þessari menntaskólagöngu minni. Í 3.bekk tók ég alltaf strætó hálfátta, ýkt hress og var með 95% mætingu. Í 4.bekk var ég farin að taka hann tíu mínútur í og mæta seint. Í 5.bekk mætti ég alltaf minna og minna og mætti suma daga bara alls ekki eftir jól útaf skólablaðinu. Í 6.bekk mætti ég fyrst stundum í 1. og stundum í 2. tíma fyrir jól og eftir jól mætti ég alltaf í 3.tíma. Gat bara ekki komið mér á réttum tíma - og var alveg komin yfir það að vera með samviskubit. Þetta er það besta við háskólann, að enginn tími byrjar fyrr en kl 10 eða 11 (a.m.k. í Heimspekideildinni) og maður mætir alltaf rosa ferskur - og eftir sólarupprás. En það semskiptir mestu er að manni er gefinn tími til að læra.

Allavega. Það segir sig því sjálft að frá og með morgundeginum er ég ekki lengur "nýstúdent" heldur svartkollur. Sem er flott á sinn hátt. Reyndar er alveg svona 1 & 1/2 mánuður síðan ég ákvað að ég væri ekki lengur nýstúdent og reif þetta hvíta af húfunni minni og henti því í ruslið. Dramatísk stund. Það að verða stúdent var nefnilega svolítið mikið mál fyrir mér. Ég var t.d. haldin sjúklegri hjátrú og hljóp langar leiðir í burtu ef einhver ætlaði að reyna að láta mig máta stúdetnshúfu áður en ég útskrifaðist. Ef maður mátar húfuna áður en maður útskrifast þá fellur maður nefnilega eða útskrifast ekki bara. Verandi kona með tvö endurtektarpróf í stærðfræði á bakinu vildi ég enga sénsa taka. En húfan passaði sem betur fer og nú er ég meira að segja komin í hóp gamlingjanna. ;D

Hef ekki meira að segja um þetta. Hlakka til að fá mér kampavín á morgun!

Jogg og bjór á ströndinni

Mér finnst eins og það sé sunnudagur í dag því gærkvöldið var eins og besti laugardagur með súru svalli. Yfirskriftin var "Jogg og bjór í Nauthólsvík", uppskriftin var 9 píkubjórar og göngutúr í rigningu, en hita, frá Kópavogi inní Nauthólsvík og undirskriftin (?) (virkar ekki en á að vera orð yfir niðurstöðu) var bara 3 drukknar stúlkur í Ísafoldarfötum, skoppandi með körfubolta og flissandi. Við vorum að fagna sumrinu og hvað er þá betra en að skella sér á ströndina!?
Eftir göngutúrinn áttuðum við okkur á því að við yrðum að komast í útibú okkar í Seljahverfinu þar sem meiri áfengisbirgðir voru geymdar enda var nú mikil stemmning fyrir meira partýi. Við fólum þeirri minnst hífuðu það verkefni að keyra okkur þangað sem gekk vel. Svo var lítið partý á fjallinu fram yfir miðnætti. Agalega huggó að lyfta sér upp á mánudögum.

Núna er ég bara voða þyrst en ýkt hress. Næsta jogg&bjór-ferð í víkina verður farin á hjóli og þá verður nú lítið mál að skella sér bara inn til bæjarins eftir að hafa vætt kverkarnar í sandinum. Og þar er nu margt hægt að bralla!

Ljúfa líf og ljúfa sumar!!!

23.maí 2004

Ég á afmæli í dag. My twenty first. Ég er ei lengur tvítug stúlka heldur tuttugu&eins árs stúlka. Mér finnst það flott.
Og þetta er svolítið merkilegur dagur að öðru leiti því þetta er opinber dagur íslensks hip-hops, enda eiga tveir helstu hip-hop gæjar landsins afmæli í dag með mér, Bent á & Robbi kronik. Þetta er merkilegt, þeir einu tveir sem eru með hip-hop þátt í útvarpinu (Kronik á X-inu og Óskalög sjúklinga á R2). Og svo elska ég það líka! Eitthvað hefur verið í loftinu...
Þetta er frábær dagur, enda skín sólin nú úti, bara fyrir mig og alla sem eiga afmæli í dag. Hóf daginn á að þurrka upp partý gærkvöldsins með bleikri tusku (mikið af myntulaufum eftir mojito-ið (?) okkar KriMar og Halldóru) og með MC Solaar í eyrunum og allt um kring. Svo fékk ég mér gott kaffi og vínber og las blöðin.
Að lesa dagblöðin á sunnudegi og reyndar alla daga, er sérstaklega góð stund. Ég les þau alltaf með blað, penna & skæri við höndina, skrifa niður það sem ég vil sjá sem er að gerast, útsölur sem ég vil fara á etc. og svo klippi ég út greinar um tónlist og set í tónlistardagbókina mína. Þessi endalausa árátt mín að vilja fanga lífið í bók, skrifa það niður svo ég geti gripið í það ef ég vil rifja það upp. Hættir nefnilega til að gleyma pörtum úr því...

En eins og ég sagði hélt ég afmælispartý í gær og svo fór ég í bæinn og þetta vanalega. Lenti í afar súru samtali við gæja á Grand Rokk. Reyndar var hann ekki gæi heldur bara drukkinn og ruglaður gaur sem ég kannaðist við. Hann var eitthvað að reyna við KriMar á undarlegan hátt, henti fyrst í hana diskamottu, kom síðan stökkvandi til okkar, starði smá stund og kyssti síðan hönd KriMar sem endaði á því að hann var sleikjandi handarbakið á henni eins og það væri úr sykri. Eitthvað nýtt afbrigði þetta, að maka handarbak konunnar í saliva. Afar huggulegt og sexý...eða ekki bara. Ég hins vegar sagði bara við hann : "Ég veit hver þú ert og ég veit hvað þú heitir." Þá kom hik á leikarann okkar og hann varð eðilegur í augunum og hissa. Svo sagði ég honum alla söguna af því að ég vissi hver hann væri því hann hefði deitað vinkonu mína í 5 mínútur fyrir svona 5 árum og að ég myndi óljóst eftir að hafa verið með í för í bíltúr með honum, vionkonunni og vini hans. Var þetta þegar ég var í 10.bekk og við öll á hátindi gelgjunnar. Við rifjuðum þetta upp og ég útskyrði fyrir honum að ég myndi afar illa hvað við hefðum nú brallað þarna um árið (ég er ekki að tala um eitthvað kynferðislegt) því ég væri svona mannsekja sem myndi bara fólk, andlit og nöfn og þannig, en enga atburði. Sem er satt, ég reiði mig á aðra í þeim efnum. Svo fórum við að spjalla um hvað við værum að gera í lífinu og svona og gaman að því. Svo sagði ég bara bæjó. Meiri kallinn. Ég held að hann hafi veriðalveg undrandi á þessu öllu. En hann þyrfti nú eitthvðað fixa viðreynsluaðferðir sínar.

Fyndið samt með þetta hvernig fólk heilsast. Í Frakklandinu og fleiri löndum þarna f sunnan kyssast allir tvisvar útí loftið, og ekki bara á djamminu heldur alltaf. Hér eru handabandið og faðmlagið leiðin til að nálgast og strákar eru sumir í því að kyssa á handarbak stúlkna. Það er soldið cheesy stundum, eða alltaf af því að bara svona cheesy gæjar noti það. Það er mín reynsla. Get lost dude!

Hamagangur

Ef sumarið verður svona lendi ég inná hæli fyrir lok þess. Það er allt svo bissý, bæði í vinnunni og eftir vinnu, að ég bara uppgefin þegar ég loks sest niður að kvöldi. Rosalegt.

Það er annars aldeilis að það dregur til tíðinda í lífi manns allt í einu. Ætla aðeins að kjafta af mér áður en ég staðfesti þetta, eins og ég geri alltaf, lofa uppí ermina á mér og kjafta um óorðna hluti. Best að vera sjálfum sér samkvæmur! ;) En já elskurnar, eins og sum ykkar kannist við þá er ég ekkert sérstaklega hrifin af því að vera á Íslandi á bilinu janúar-apríl. Þetta er bara staðreynd. Og því er ég afar glöð yfir því að þurfa ekki að vera hér næstu tvö árin á þessu tímabili. Jú, þið heyrðuð rétt, ég er að fara. Fyrst er ég að fara að búa í Brussel frá janúar 2005 til ca. júní 2005 og svo fer ég strax aftur til Montpellier, í ágúst, í heilt ár. Er þetta ekki klikkað!!!???

Svo ég útskýri þetta þá verð ég í háskóla & semi-oper hjá bestu vinkonu systur minnar í Brussel og svo verð ég bara að háskólast & á ströndinni í Montpellier. Ef ég fer ekki til Montpellier þá fer ég til Nice eða Cannes og bý hjá forríkum frönskum vini pabba. En það eru háskólar og strendur í hverri borg fyrir sig svo þetta er allt kúl.
Ég er ekki alveg að átta mig á þessu enn þá - en svona er lífið, pikkar í mann af og til og kemur manni á óvart. And I love surprises :D

Svo er annað sem ég er ekki alveg að átta mig á að sé að fara að gerast en ég get ekki kjaftað frá því hér, þó svo sum ykkar viti hvað ég er að meina - og ég ítreka að það er stranglega bannað að minnast einu orði á það hér á síðunni!!! Ég myrði þann sem á það minnist, jafnvel þó svo ég elski viðkomandi mikið og blarí jarí. OK?

Well. Annars er ég núna að hlusta á góða tónlist sem er alveg brand new í þokkabót. Var að fá í hendurnar tvo diska, Lali Puna "Faking the books" og Mr. Scruff. "Trouser jazz". Lofar góðu. En meira um það seinna. Núna ætla ég leggjast niður í myrkri og loka augunum um stund. Ciao! - Tóta tuned up

Nýtt hár

Ég fór í klippingu í gær hjá honum Grjóna á Rauðhettu. Er mjög sátt! Pjúff...þvílíkur léttir. En ég vil leiðrétta það hér með að ég er ekki með drengjakoll. Það var djók sem ég svo gleymdi að hafa gert þangað til ýmsir fóru að spyrja mig hvort ég væri eitthvað geðveik að vilja klippa faxið allt af. Svarið við þessari spurningu er reyndar tvíþætt : Já,ég er soldið geðveik, en nei, inní því felst ekki sú vitfirring að klippa hárið mitt af. Mig dreymir martraðir um að fólk laumist aftan að mér og klippi það af - er ekki spennt fyrir að gera þann hrylling að raunveruleika. En þetta misheppnaða grínmitt leiðréttist hér með.;D

En ég er að fara að sjá Dansleikhúsið vonandi á þriðjudaginn og ég held að það verði æðislegt! Svo er ég að fara að sjá gjörning á laugardaginn í galleríi Klin&Bank. Saga nokkur mun þar fremja list. Er svo asskoti menningarleg. ;)

Sumarið 2004...

...verður helgað listum ; bæði myndlist og tónlist og hönnun og listasögu og öllu. Ætla að gramsa mig í gegnum brot af hinum víðfeðma heimi listarinnar, sökkva í iður hans (?)...

Er bara sjúk, sorry.

Svo fann ég þessa flottu heimasíðu, flottustu síðu sem ég hef séð!

ilya

Skrifa meira um ilya seinna. Er að vinna núna og verð að fara að afgreiða gamalt illa þefjandi fólk um borða í ritvélar.Ciao!

Hugarstormur

Enn á ný er stormur í hausnum á mér og ég get ómögulega skrifað um annað hvort bara eitt af því sem ég er að hugsa um né komið því öllu á framfæri í löngum, samfelldum texta svo þetta verða mörg brot í dag. Þannig hugsa ég líka ; hugsa allt í einu og ekki lengi um hvert efni. Það tekur allt of langan tíma!

Annars get ég sagt ykkur að það sem kemur þessum stormi af stað er svona nett þynnka. Svo agalega gott að vera svona pínu þunnur. Þegar hausverkurinn er farinn. Þá er maður svona soldið dizzy, rosa rólegur en alveg ógeðslega creative og svo er vindasamt dans le tête (=höfuð).

Allavega.

Upplifði alveg nýtt í gær þegar ég sat í síðasta prófinu. Mér fannst bara alveg ömurlegt að þurfa að hætta að læra, að geta ekki verið að læra frönsku í sumar. Svo ótrúlega gaman að læra. Finnst ykkur þetta ekki rosalegt? Ég ætla samt ekki í sumarskóla heldur ætla ég að lesa bækur.

Reyndi að fara að dansa í nótt en það var ekki hægt af því að það var allt fullt af fólki alls staðar. Komst svo inn á Vegamót en þá týndi ég Siggu.

Persónulegt innskot til Sigríðar (ekki til þín Sóla mín samt J ), aka, Siggu Sigg :

Hæ Sigga, ég týndi þér á Vegamótum í nótt. Var í heila eilífðað bíða hjá klósettunum og hélt að þú værir að dansa en svo varstu horfin ástin mín. Hvar ertu Sigga??? Tók þá taxa heim.

Ég þekki voða mikið af Siggum. Sigríðir og Sigríðir, fjöldaframleiddar. Þetta er eitt af körmunum mínum (as if karma í eintölu).

En áður en ég gat fengið taxa heim þá stóð ég í röð i klukkutíma eftir taxa. Fyrir framan mig stóð par og ég tók þau út allan tímann sem biðin varði. Hún var mun hærri en hann og hann var svona skopparatýpa. Þau voru eiginlega alveg undarleg blanda. Ég setti þá kenningu að hann væri svona rosa kúl gæi og stórt nafn í skopparaheiminum. Er örugglega kallaður eitthvað eins og “Stebbi Sígó”. Old school samt. Ég veit allavega fyrir víst að hann heitir Stebbi. Heyrði það nebblega. Svo gaman að horfa á fólk.

Voðalega mikið af fólki. Svo gaman að hitta fólk sem er í blóma.

Ég ætla í klippingu á morgun. Drengjakollur takk fyrir. Komin með nóg af þessu hári. Sem btw, fyrir þá sem búa í Danmörku, er komið niður f mitt bak. En það verður ekki mikið lengur.

Og ég varð nú heldur en ekki hissa í nótt þegar ég þekkti ekki Elínu af því að hún er komin með nýtt hair-do. Mjög flott klipping Elín!

Hafiði spáð í því að list er bara statement. Og ávallt annað hvort under- eða overstatement. List er að segja ekki berum orðum það sem þú villt segja heldur leiða neytandann að hugmyndinni. Þetta finnst mér amk. Að hreyfa huga fólksins. Svo gaman að list. Elska –isma. Listneytandi.

Allavega

Nú ætla ég að fara að skapa eitthvað. Kom upp hugmynd um daginn (á göngu um Seljahverfið)að nýrri fatalínu fyrir sumarið. Perla er hlutaðeigandi í hugmyndinni. Línan nefnist “Merkjalínan – sumar 2004” og verður hún afhjúpuð í afmælinu mínu næsta laugardag. Spennandi!!!! ;D
En gleðilegan sunnudag. Hætti hér að opna huga minn almeningi. Hér með er þetta einkastormur á sunnudegi.

ummm...

þetta er betra. vá hvað hann er sætur! alveg sátt!!! ;D


Congradulations! you are going to marry Tom Welling. He is a smalltown kind of guy who is always very helpful. He will always treat you right and is quite good looking besides!! he is also somewhat mysterious.

Which male celebrity are you going to marry?

komist að því hér

Þetta fékk ég :

Congradulations! you are going to marry Freddie Prinze jr.!! Hes cute, loyal, funny, sweet... what more could you ask for?

o.m.f.g....

Ég ætla að reyna aftur....

Var Jónsi góur eða hvað?

...spyr ég sem ekki veit því ég er þræll í Pennanum Eymundsson sem ekki sá Júróvisjón.

Spill it people?

2 dagar í frelsi

2 dagar í frelsi

Karmað hefur tekið hresilegan 180° snúning síðan um daginn gott fólk. Ég er bara sátt við það sem ég hef áorkað í dag. Fór í próf og gekk vel, hugsaði með mér "Vá hvað þetta er skemmtilegt!" á með n ég wrote away um stílbrigði og isma. Þetta er my first ever skemmtilega próf.

Svo fór ég og gerði upp mín mál við VISA. Fékk hrikalega vænt orlof, borgaði reikninginn og núna er vibbinn kominn oní skúffu og debbinn tekinn við störfum, og í plús. Næstum of gott til að vera satt!

Að lokum er ég sátt við sjálfa mig af mórölskum ástæðum því ég lét ekki vaða yfir mig í ákveðnu máli heldur stóð fast á rétti mínum - og fékk mínu fram. Löglega líka. Þetta er soldið langt mál að útskýra hér og því mun ég sleppa því.

Svo fékk ég Lemon Jelly diskinn og hann er góður. Experiment buys virka víst stundum.

*dæs*...ég er bara alveg hissa á þessu. Sit bara dreymin og horfi út um gluggann...*dæs*

Karma djöfull

Karma djöfull

Dagurinn í gær var einfaldlega of mikill bad-karma-day. í Fyrsta lagi fór ég í ritgerðarpróf og ritaði á frönksu um tilgang lífsins (án gríns, efnið var "Að lifa, það er að eldast, ekkert annað.") í þrjá klukkutíma. Varð alveg kreisí því ég lenti í tímahraki. Ég veit ekki hversu oft ég sagði með sjálfri mér "o.m.f.g." síðustu mínútur prófsins.
En ég hristi þetta af mér og fór tómeygði inní Kringluna. Það var ekki búið að leggja inn orlofið mitt svo ég gat ekki keypt neitt af fallegu sumardrasli.
Þá fór ég heim & komst að því að gellan sem ætlaði að vinna f mig á laud. væri hætt við. Þetta er í f... 3.skipti sem ég reyni að redda þessari vakt. Hef gefist upp & ætla bara að vinna vaktina. Forkeppni júróvisjón verður hvort sem er í kvöld.
Dagurinn endaði með því að ég missti linsuna mína í gólfið. Hennar er enn saknað & er hún talinn öll. Hún lætur eftir sig tvíburasystur sem muní dag fremja sjálfsmorð (mun hoppa ofan í klósettið) því líf hennar er tilgangslaust á systur hennar.
Eftir þetta ákvað ég að fara bara að sofa, svo þreytt var ég á þessu slæma karma.

Annars hef ég ákveðið að fara í pílagrímagöngu næsta vor. Ætla að týna tíma & rúmi & ganga um í eyðimörk & fjalllendi austurlanda í nokkra mánuði. Hver vil koma með??? :D

Hvað er að gerast

Þetta er ekki í samræmi við neitt. Þetta er eins og eitthvað skrímsli innan í mér ; skynsemi.

Hvað er það?

Ég fór sem sagt ekki niðrí bæ með þessu tryllta liði, & góða liði, heldur fór ég bara heim.

Hvert er veröldin að fara? Í próf býst ég við.

Var í partýi með fólki sem var að klára prófin en sjálf á ég 3 eftir. Fór að djamma í næstu götu. Lifi "The Hills"!

En ég fann mikla þörf fyrir að fara samt ekki beint að sofa (er ekki orðin geðveik sem sagt) heldur fann ég mikla þörf fyrir að skrifa. En málið er að hugsanirnar eru bara í fyrsta lagi mjög margar og í öðru lagi á stykkorða formi. Svo þetta er það sem kemur út :

-Ég er búin að drekka uþb 8 líta af vökva í dag (2 af diet pepsi, 3 af vatni, 1-1,5 af áfengi blandað í einhverju, 2 af kaffi (verða chilla á kaffinu...) og rest meira vatn)

-Ég veit ekkert um rokk

-Al Pacino var mjög fallegur (í dag er hann aðallega krumpaður, blessaður),sérstaklega í Godfather og Carlitos way

-Nýr kokteill var fundinn upp í kvöld sem heitir Tipsy og er góður (gin+peru cider+appelsínusafi m aldinkjöti)

-Ég hugsa of mikið á frönsku...sem er samt gaman

-Mér finnst bærinn ekki spennandi lengur

-Mig vantar endorfín

-Ef maður borðar kjúkling, eða eitthvað kjöt bara, áður en maður fær sér í glas held ég að prótínin absorbi allt áfengið og láti það gufa upp á dularfullan hátt (þeta er heimatilbúin kenning)

-Ég ætla að kaupa mér tónlist á amazon núna...

-...pantaði Lemon Jelly diskinn (einungis með því að smella 6 sinnum, er sko "returnig customer")

-Ég hef gleymt öllu sem ég hafði að segja og þetta er slöpp færsla.

Svo góða nótt, bisous.

Klær, klósettlag & áfengi (sem byrjar ekki á kl-)

Eftir að neglurnar á mér ákváðu að taka vaxtarkipp um daginn þá hef ég átt við ákveðið afar hvimleitt vandamál að stríða. Og í kjölfar þessa hef ég komist að því að það fer alls ekki saman að vera með langar neglur og að þufa að vera með linsur. Það er nefnilega lífsins ómögulegt (ekki í bókstaflegri merking þó) að taka úr sér linsuskrattana með þessu töngum mínum án þess að skaðast alvarlega. Það tekur mig núna alveg nokkrar mínútur að plokka úr mér linsurnar án þess að taka allt augað með. Í þokkabót sit ég eftir með sár augu, útstungin af þessum niðjum Edda klippiklóar (eða hvað sem hann nú hét). Erfitt að vera lekker ekki satt?

Annars er ég enn í prófunum. Búin að taka 2 alveg ágætlega skemmtileg próf en núna eru framundan þrjú próf dauðans. Misgaman að þessu. En hins vegar þá er ekki nema vika í að ég klári sem er ótrúlegt. Og þá mun hann Jónsi litli syngja í Júróvisjón. Persónulega held ég samt að þetta lag verði aðallega til þess að framkalla þörf hjá fólki víðsegar um Evrópu til að fara á klósettið. Svona WC-break lag.

Svo vil ég í lok þessarar litlu hugvekju minnar senda hér persónuleg skilaboð til Sigríðar litlu :

Hæ Sigga! Síminn minn er í fokki og dó í gær þegar þú hringdir (svo var ég líka í 10-11 að ströggla við grænmetisborðið í kapp við náungann sem var að vinna þarna við að fylla á, grænmetisglíma mikil!) og svo hringdi ég í gær og þá varstu í grillteitinu. En við skulum hringjast á this weekend, ça va? ;)

Svo ætla ég að brjóta öll lög í kvöld sem segja að maður eigi að vera heilagur í prófum og vera tipsy! Held það komi heilasellunum á hreyfingu - og hreyfing er holl!

Bæjó beibs.

Börn verða að fólki - og röppurum!

Ég hef verið að átta mig á þvi undanfarið að litla nísan mín hún Sólrún (systurdóttir mín) er að verða að unglingi. Þetta er að ég held afar jákvætt. Í fyrsta lagi vegna þess að þá hætti ég loksins að vera unglingurinn (eftir 10 ára þjónustu og píningar sem gelgja fjölskyldunnar) en í öðru lagi þá get ég farið að leika mér mun meira að henni, sem sagt móta hana að ýmsu leyti, kynna hana f tónlist og tísku og aðstoða hana með táningavandamál (ástarmálum etc). Ég byrjaði í dag á þessu projecti mínu með þvi að gefa henni cd-inn með o.N.E. (leiðréttist hér með frá því síðast að diskurinn með Opee&Eternal heitir One Day en þeir saman kalla sig ONE). Þessi rapp-umræða opnaðist þegar hún fékk gefins í dag frá mömmu svona skyggni, ýkt töff með svona graffiti mynstri (langar í svona sjálf!) og svo var hún að segja mér að tveir frændur okkar sem eru í sama árgangi og hún í skólanum væru í rapp hljómsveit (en þau eru 11 ára þessi börn). Þeir eru víst bara nokkuð góðir, hafa sungið f krakkana í skólanum og svona, og svo eru þeir vinir hennar Sjúlú-Búlú minnar. Svo ég sagði við hana : Heyrðu gella,þú yrðir ýkt töff sem svona MC gella! Það er örugglega snilldar gaman að vera í rapphljómsveit! Svo gaf ég henni diskinn og leyðfi henni að hlusta og ég held að hún sé afar móttækileg f þessu. Við ræddum líka nokkur möguleg nick á hana og fannst mér MC-Sóla hljóma kúl. Soldið líkt DJ Sóley.
Hver veit, etv verður hún Lóló mín bara heavy þéttur rappari með skyggni. Djöfull væri það flott.Eitthvað verður fólk nú að hafa f stafni.
Svo ætla ég að gefa henni annan disk næst þegar við sjáumst, let the project proceed. ;)

Listen up

Smá rapparastælar í mér (enda einnig þekkt sem DJ krazykisa) sem er ekki furða því ég er búin að vera að hlusta á rosalega góðan hip-hop disk undanfarna daga. höfuðið er fullt af alls konar vúlgörksum frösum...ekki til að bæta fokk-sýkina mína. En já já og já já. Þetta er sem sagt íslenski dúettinn O.P. & Eternal. Diskurinn heitir O.N.E. (skammstöfun f “one” sem er í takt við það sem virðst vera hálfgert þema disksins, setningin “one day”).O.P. rappar og Eternal mixar – og ég verð að segja að þeir standa sig hreint prýðilega. Öll lögin eru á ensku nema eitt og það er m.a.s. mjög stutt. Sem og reyndar mörg laganna ; eru sum bara mínúta að lengd. Það er kannski helsta downside disksins, þessi mörgu efnilegu lög sem eru bara aðeins of stutt. Það er fátt eins pirrandi og lög sem byrja vel og hljóma eins og þau gætu orðið frábær en eru aldrei gerð að almennilegu lagi. Deyja svo að segja andvana. Þó svo það sé ekki beint tilvikið hér. Þetta er vissulega soldið arty...eða eitthvað. Lag númer 13 sker sig úr á disknum þar sem ekkert er sungið í því og enginn taktur kemur inn heldur er þetta bara svona sampl eiginlega. Mjög flott lag og vel gert, en ég var alltaf að bíða eftir að lagið byrjaði, að bíða eftir taktinum, heyrði alveg hvernig framhald lagsins “ætti” að hljóma (að mínu mati) – en það koma aldrei og var svo bara búið. *pirr* Bestu lögin eru fyrsta, 2. , 3. og síðasta lagið. En lag nr. 2 er víst þegar farið að hljóma á hinni glæstu útvarpsstöð FM957. Heyrði það í 11-11 í dag.
O.P. & Eternal eru ekkert líkir öðrum íslenskum hip-hop hljómsveitum sem ég hef heyrt í. Þeir eru betur mixaðir, ekki eins hráir. Þetta hjómar eins og alvöru hip-hop, ekki eins og eitthvað gelgjurapp með unglingabólum. No offense. Þetta er góð viðbót við íslenska hip-hop senuna, svo ég vitni nú beint í orðalag Bent. Ég mæli með O.N.E. ; ekta sumar feel í þessu eðal hip-hopi...Word up! ;)

post-prófa-trans

post-prófa-trans

æ, fokk, ég nenni ekki að blogga. ætla samt að gera það því ég er í svo rosalega flottri tölvu í svo rosalega flottu tölvuveri. er í nýja náttúrufræðihúsinu, Öskju, og var að stíga út úr fyrsta prófinu. gekk vel bara, betur en ég átti von á því ég lærði svo asnalega undir þetta. var bara í afmæli í gær (pabbi áttu afmæli) og að hanga með familíunni.ég kann ekkert að vera í háskóla. en vinnan í vetur skilar sér núna því í stað þess að taka prófin the MR way (frumlesa eins og mofo fyrir ptóf og nota alla orku sem maður á til að falla ekki) þá er þetta bara einvher notaleg yfirferð á efni sem maður kann þegar. elska háskólann.
mér finnst annars þessi bygging svo ótrúlega falleg og töff. sama hvað hver segir. hús eru nú skemmtileg og fögur...
en ég sé að það kemur ekkert af viti upp úr mér núna því ég er í post-próf-transi og ætla því bara að koma mér héðan og fá mér DaVinci. Bisous.

Ég veit að þetta er langt blogg en lestu það samt! Það er skemmtilegt!

Lífð er klikkun, vitiði það?

Annars horfði ég á Bachelor núna á fimmtudaginn. Hef horft á einn þátt með Bachelor Bob áður og vissi því að hann væri búinn að narróa (e. narrow) þetta niður í Estellu og Kelly Jo. Svo fóru þær í heimsókn til foreldra hans núna síðast og voru alveg "wonderful" og "amazing" (óþolandi hvað þessir fokking Kanar nota amazing endalaust...fæ alveg hroll er ég hugsa um þá segja þetta orð með ameríska hreimnum sínum...brrrr...). En ég er ekki í nokkrum vafa um hvora þeirra hann velur. Ég er ekki í hópi þeirra sem horfðu á Trista & Ryans Wedding seríuna svo ég sá ekki með hvorri Bob kom í veisluna - og ekki kjafta frá þið sem vitið það!! Stranglega bannað að kjafta!!! En ég sem sagt held að hann velji Kelly Jo því hún er miklu hressilegri en Estella. Estella er of væmin, og þó svo hún sé alveg likable þá er hin meiri rokkari. Og það sést alveg að Bob er meira hrifinn af K.J.

En hvað haldið þið um þetta (sem ekki vitið það nú þegar) elskurnar?

PS : Ef þið kjaftið frá þessu þá mun ég kjafta frá Sex & the City endinum án þess að blikka! Varið ykkur bara, ég veit hvernig sagan um Carrie endar...múhahahaha!

Svo dreymdi mig fáránlegan draum í nótt. Ég var að vinna á kvöldvakt í Eymó (sem var reyndar svona súpermarkaður þarna, leit út eins og Hagkaup) og við vorum voða mikið að djóka. Ég var ýkt fyndin og við vorum alveg að hlæja á fullu (hef örugglega hlegið upphátt í alvörunni, lifi mig ávallt mikið inn í drauma mína) en svo áttum við að loka og ég fór upp að tékka hvort einhver kúnni væri eftir í búðinni og það sat þarna maður í stól í myrkrinu sem sagði : Hva, á bara að loka og ekki láta mann vita eða neitt? Hvurlsags er þetta?!
Mér leist nú ekkert á hann, skynjaði eitthvað svona ofbeldis vibe frá honum og greip því eitthvað skóhorn þarna úr málmi. Eins gott því kallinn bara gekk beint að mér og byrjaði að reyna að kyrkja mig. Ég barði í hausinn á honum með skóhorninu en það virkaði ekki vel. Svo vaknaði ég bara. Enda vil ég síður deyja.
Líst ekkert á þetta ástand. Mig dreymir alltof oft að einhver sé að reyna að drepa mig í draumi. Kannski þetta sé einhver draugur að ofsækja mig. Meira ruglið. Um daginn var einhver gæji sem ætlai að nauðga mér en þá náði ég að beita einvherju kun-fu bragði sem ég kunni til að sparka í hann. Svo vaknaði ég bara því þetta var ekkert að virka. Og svo var annar draumur um daginn líka sem ég er búin að gleyma núna.

...afsakið

leiðréttist hér með : Diskurinn heitir One Day en þeir félagar kalla sig O.N.E.

ruglaðist aðeins...

...afsakið

Leiðréttist hér með : diskurinn heitir One Day og þeir kalla sig O.N.E.